ਉੱਤਰ 1:- ਪਾਣੀ ਦੀ ਸਾਡੇ ਜੀਵਨ ਵਿਚ ਬਹੁਤ ਮਹੱਤਤਾ ਹੈ | ਪਾਣੀ ਤੋਂ ਬਿਨਾਂ ਮਨੁੱਖ ਜਿਊਂਦਾ ਨਹੀਂ ਰਹਿ ਸਕਦਾ | ਪਾਣੀ ਸਾਡੇ ਭੋਜਨ ਨੂੰ ਪਚਾਉਣ ਵਿਚ ਮਦਦ ਕਰਦਾ ਹੈ | ਸ਼ਰੀਰ ਦੇ ਕਈ ਅੰਦਰੂਨੀ ਅੰਗ ਪਾਣੀ ਦੀ ਮਦਦ ਨਾਲ ਹੀ ਕੰਮ ਕਰਦੇ ਹਨ | ਇਸੇ ਲਈ ਹੀ ਪਾਣੀ ਨੂੰ ਜੀਵਨ ਕਿਹਾ ਜਾਂਦਾ ਹੈ |
ਉੱਤਰ 2:- ਪਾਣੀ ਦੀ ਸਮਝ ਬਣਾਉਣੀ ਬਹੁਤ ਜਰੂਰੀ ਹੈ | ਕਿਉਂਕਿ ਜੇ ਅਸੀਂ ਪਾਣੀ ਦੀ ਸਹੀ ਵਰਤੋਂ ਨਹੀਂ ਕਰਾਂਗੇ ਤਾਂ ਧਰਤੀ ਉਪਰਲਾ ਪਾਣੀ ਦੂਸ਼ਿਤ ਹੋ ਜਾਵੇਗਾ ਤੇ ਪਾਣੀ ਦੀ ਘਾਟ ਹੋ ਜਾਵੇਗੀ | ਪਾਣੀ ਨੂੰ ਪੀਣ ਯੋਗ ਬਣਾਉਣਾ ਇੱਕ ਮਹਿੰਗਾ ਤਰੀਕਾ ਹੈ | ਇਸ ਲਈ ਪਾਣੀ ਦੀ ਵਰਤੋ ਧਿਆਨ ਨਾਲ ਕਰਨੀ ਚਾਹੀਦੀ ਹੈ | ਇਸ ਲਈ ਸਾਨੂੰ :-
1. ਪਾਣੀ ਦੀ ਵਰਤੋਂ ਲੋੜ ਅਨੁਸਾਰ ਹੀ ਕਰਨੀ ਚਾਹੀਦੀ ਹੈ |
2. ਸਾਫ਼ ਪਾਣੀ ਨੂੰ ਗੰਦੇ ਪਾਣੀ ਵਿਚ ਨਾ ਮਿਲਣ ਦੀਓ |
ਉੱਤਰ 3:- ਇਹ ਪਾਣੀ ਨੂੰ ਪੀਣ ਯੋਗ ਬਣਾਉਣ ਦੀ ਆਧੁਨਿਕ ਵਿਧੀ ਹੈ , ਇਸ ਵਿਚ ਪਾਣੀ ਨੂੰ ਕਈ ਤਰ੍ਹਾਂ ਦੇ ਫਿਲਟਰਾਂ 'ਚੋਂ ਲੰਘਾ ਕੇ ਸਾਫ਼ ਕੀਤਾ ਜਾਂਦਾ ਹੈ | ਇਸ ਪ੍ਰਕਿਰਿਆ ਵਿਚ ਪਾਣੀ ਪੂਰੀ ਤਰ੍ਹਾਂ ਸਾਫ਼ ਤੇ ਸ਼ੁੱਧ ਹੋ ਜਾਂਦਾ ਹੈ | ਹਰ ਤਰ੍ਹਾਂ ਦੀਆਂ ਅਸ਼ੁੱਧੀਆਂ ਇਸ 'ਚੋਂ ਵੱਖ ਹੋ ਜਾਂਦੀਆਂ ਹਨ | ਅੱਜ ਕੱਲ ਇਸ ਤਰ੍ਹਾਂ ਦੇ ਫਿਲਟਰ ਘਰਾਂ ਵਿਚ ਵਰਤੇ ਜਾਂਦੇ ਹਨ |
ਉੱਤਰ 4:- ਸਾਫ਼ ਪਾਣੀ ਤੋਂ ਭਾਵ ਉਹ ਪਾਣੀ ਜੋ ਪੀਣ ਯੋਗ ਹੋਵੇ ਜਾਂ ਉਸਨੂੰ ਕਲੋਰੀਨ ਗੈਸ ਨਾਲ ਸਾਫ਼ ਕੀਤਾ ਜਾਵੇ | ਸਾਰਾ ਪਾਣੀ ਪੀਣ ਯੋਗ ਨਹੀਂ ਹੁੰਦਾ | ਸਿਰਫ਼ ਉਹੀ ਪਾਣੀ ਪੀਣ ਯੋਗ ਹੁੰਦਾ ਹੈ ਜਿਸ ਵਿਚ ਗੰਦਗੀ ਨਾ ਹੋਵੇ | ਪੀਣ ਵਾਲਾ ਪਾਣੀ ਹਲਕਾ ਅਤੇ ਅਸ਼ੁਧੀ ਰਹਿਤ ਹੋਣਾ ਚਾਹੀਦਾ ਹੈ |
ਉੱਤਰ 5:- ਧਰਤੀ ਹੇਠਲੇ ਪਾਣੀ ਦੇ ਪੱਧਰ ਵਿਚ ਆ ਰਹੀ ਘਾਟ ਨੂੰ ਵਾਟਰ ਰੀਚਾਰਜ ਵਿਧੀ ਰਹੀ ਸਕਦਾ ਹੈ | ਇਸ ਵਿਧੀ ਰਾਹੀਂ ਜ਼ਮੀਨ ਉੱਪਰਲੇ ਫ਼ਾਲਤੂ ਪਾਣੀ ਜ਼ਮੀਨ ਵਿਚ ਇੱਕ ਛੇਦ ਬਣਾ ਕੇ ਧਰਤੀ ਦੀ ਤਹਿ ਤੱਕ ਭੇਜਿਆ ਜਾਂਦਾ ਹੈ | ਇਹ ਪਾਣੀ ਮਿੱਟੀ 'ਚੋਂ ਛਣ ਕੇ ਜਾਂਦਾ ਹੈ ਤੇ ਜ਼ਮੀਨ ਹੇਠਲੇ ਪਾਣੀ ਨਾਲ ਮਿਲ ਕੇ ਉਸ ਦਾ ਪੱਧਰ ਉੱਚਾ ਕਰਦਾ ਹੈ | ਪਾਣੀ ਦੀ ਆ ਰਹੀ ਘਾਟ ਨੂੰ ਪੂਰਾ ਕਰਨ ਲਈ ਇਹ ਇੱਕ ਕਾਮਯਾਬ ਤਰੀਕਾ ਹੈ |
No comments:
Post a Comment