ਸਾਰ
' ਫ਼ਸਲਾਂ ਦਾ ਗੀਤ ' ਕਵਿਤਾ ਵਿਚ ਕਵੀ ਕਿਸਾਨ ਦੀ ਮਿਹਨਤ ਦੀ ਗੱਲ ਕਰਦਾ ਹੈ | ਖੇਤਾਂ ਵਿਚ ਫ਼ਸਲਾਂ ਦੇ ਪੱਕਣ ਦਾ ਸੰਬੰਧ ਸਿਰਫ਼ ਭੁੱਖ ਨਾਲ ਹੀ ਨਹੀਂ ਸਗੋਂ ਕਿਸਾਨ ਦੀ ਖੁਸ਼ਹਾਲੀ ਨਾਲ ਵੀ ਹੈ | ਫ਼ਸਲਾਂ ਦੇ ਬੀਜੇ ਜਾਣ ਨਾਲ ਹੀ ਕਿਸਾਨ ਦੇ ਪਰਿਵਾਰ ਦੀਆਂ ਖੁਸ਼ੀਆਂ ਵੀ ਵਧਣੀਆਂ ਸ਼ੁਰੂ ਹੋ ਜਾਂਦੀਆਂ ਹਨ | ਕਿਸਾਨਾਂ ਲਈ ਉਸਦੀ ਫ਼ਸਲ ਉਸਦੇ ਪਰਿਵਾਰ ਦੇ ਸੁਪਨੇ ,ਚਾਅ - ਮਲਾਰ ,ਇਛਾਵਾਂ, ਖੁਸ਼ੀਆਂ ਹੁੰਦੀਆਂ ਹਨ | ਖੇਤ ਵਿਚ ਵੱਧ ਰਹੀ ਫ਼ਸਲ ਵਿਚ ਉਹ ਆਪਣੇ ਉਹ ਆਪਣੇ ਪਰਿਵਾਰ ਦੀਆਂ ਖੁਸ਼ੀਆਂ ਵੇਖਦੇ ਹਨ | ਕਈ ਵਾਰ ਜਦੋਂ ਕਿਸਾਨ ਫ਼ਸਲ ਬੀਜਦਾ ਹੈ ਤਾਂ ਉਸਨੂੰ ਫ਼ਸਲ ਦੀ ਪੂਰੀ ਕੀਮਤ ਮਿਲ ਜਾਂਦੀ ਹੈ ਤਾਂ ਤੇ ਉਸਦੀਆਂ ਖੁਸ਼ੀਆਂ ਪੂਰੀਆਂ ਹੋ ਜਾਂਦੀਆਂ ਹਨ | ਪਰ ਕਈ ਵਾਰ ਉਸਦੀ ਫ਼ਸਲ ਜਦੋਂ ਖਰਾਬ ਹੋ ਜਾਂਦੀ ਹੈ ਤਾਂ ਉਸਨੂੰ ਤੇ ਉਸਦੇ ਪਰਿਵਾਰ ਨੂੰ ਦੁੱਖਾਂ ਦਾ ਸਾਹਮਣਾ ਕਰਨਾ ਪੈਂਦਾ ਹੈ | ਕਿਸਾਨ ਕਹਿੰਦਾ ਹੈ ਕਿ ਲੋਕਾਂ ਦੀ ਕਿਸਮਤ ਤਾਂ ਪਰਮਾਤਮਾ ਲਿਖਦਾ ਹੈ | ਪਰ ਅਸੀਂ ਆਪਣੀ ਕਿਸਮਤ ਆਪ ਹੀ ਖੇਤਾਂ ਵਿਚ ਮਿਹਨਤ ਕਰਕੇ ਲਿਖਦੇ ਹਾਂ | ਸਾਨੂੰ ਆਪਣੀ ਮਿਹਨਤ ਦਾ ਫ਼ਲ ਪੱਕੀ ਹੋਈ ਫ਼ਸਲ ਨੂੰ ਵੇਖਕੇ ਮਿਲਦਾ ਹੈ ਤੇ ਸਾਡੀ ਮਿਹਨਤ ਹੀ ਸਾਡੀ ਕਿਸਮਤ ਹੈ |
No comments:
Post a Comment