ਪੜਨਾਂਵ
ਜਿਹੜੇ ਸ਼ਬਦ ਨਾਂਵ ਦੀ ਥਾਂ ਤੇ ਵਰਤੇ ਜਾਂਦੇ ਹਨ , ਉਹਨਾਂ ਨੂੰ ਪੜਨਾਂਵ ਆਖਿਆ ਜਾਂਦਾ ਹੈ |
ਜਿਵੇਂ - ਉਹ , ਮੈਂ , ਤੂੰ ,ਮੇਰੇ
ਪੜਨਾਂਵ ਦੀਆਂ ਕਿਸਮਾਂ -
ਪੜਨਾਂਵ ਦੀਆਂ ਛੇ ਕਿਸਮਾਂ ਹਨ -
1. ਪੁਰਖ -ਵਾਚਕ ਪੜਨਾਂਵ
2. ਨਿੱਜ -ਵਾਚਕ ਪੜਨਾਂਵ
3. ਸੰਬੰਧ -ਵਾਚਕ ਪੜਨਾਂਵ
4. ਪ੍ਰਸ਼ਨ -ਵਾਚਕ ਪੜਨਾਂਵ
5. ਨਿਸ਼ਚੇ -ਵਾਚਕ ਪੜਨਾਂਵ
6. ਅਨਿਸ਼ਚੇ-ਵਾਚਕ ਪੜਨਾਂਵ
ਉਹ ਸ਼ਬਦ ਜੋ ਕਿਸੇ ਪੁਰਖ ਦੀ ਥਾਂ ਤੇ ਵਰਤੇ ਜਾਂਦੇ ਹਨ , ਉਹਨਾਂ ਨੂੰ ਪੁਰਖ ਵਾਚਕ ਪੜਨਾਂਵ ਕਹਿੰਦੇ ਹਨ |
ਜਿਵੇਂ ਮੈਂ , ਉਹ , ਅਸੀਂ ਆਦਿ |
ਉਹ ਸ਼ਬਦ ਜੋ ਕਰਤਾ ਦੇ ਨਾਲ ਆ ਕੇ ਉਸਦੀ ਵਿਸ਼ੇਸਤਾ ਦੱਸੇ ,ਉਸ ਨੂੰ ਨਿੱਜ-ਵਾਚਕ ਪੜਨਾਂਵ ਆਖਦੇ ਹਨ |
ਜਿਵੇਂ - ਆਪ , ਆਪਣੀ , ਆਪਸ ,ਆਦਿ|
ਰਾਧਾ ਆਪਣੇ ਆਪ ਗੱਡੀ ਚਲਾ ਕੇ ਗਈ |
ਰੋਹਿਤ ਆਪ ਹੀ ਤੁਹਾਨੂੰ ਬੁਲਾਏਗਾ |
ਉਹ ਸ਼ਬਦ ਜੋ ਪੜਨਾਂਵ ਵੀ ਹੋਣ ਅਤੇ ਯੋਜਕ ਵਾਂਗ ਦੋ ਵਾਕਾਂ ਨੂੰ ਵੀ ਜੋੜਨ ,ਉਹ ਸੰਬੰਧ -ਵਾਚਕ ਪੜਨਾਂਵ ਹੁੰਦੇ ਹਨ |
ਜਿਵੇਂ - ਜੋ , ਸੋ , ਜੇਹੀ, ਤੇਹੀ ਆਦਿ |
ਜੋ ਕਰੇਗਾ ਸੋ ਭਰੇਗਾ
ਜਿਹੜਾ ਮੁੰਡਾ ਕਲ ਆਇਆ ਸੀ ਉਹ ਪਹਿਲੇ ਨੰਬਰ ਤੇ ਆਇਆ ਹੈ |
ਮੇਰਾ ਇਕ ਜਮਾਤੀ ਹੈ ਜੋ ਹਮੇਸ਼ਾ ਮੇਰੇ ਨਾਲ ਰਹਿੰਦਾ ਹੈ |
ਉਹ ਸ਼ਬਦ ਜੋ ਪੜਨਾਂਵ ਵੀ ਹੋਣ ਅਤੇ ਉਹਨਾਂ ਦੁਆਰਾ ਪ੍ਰਸ਼ਨ ਵੀ ਪੁੱਛਿਆ ਜਾਵੇ , ਉਹਨਾਂ ਨੂੰ ਪ੍ਰਸ਼ਨ -ਵਾਚਕ ਪੜਨਾਂਵ ਆਖਦੇ ਹਨ || ਜਿਵੇਂ- ਕੌਣ ,ਕਿਹੜਾ ,ਕੀ , ਕਿਵੇਂ ਆਦਿ|
ਉਹ ਸ਼ਬਦ ਜੋ ਦੂਰ ਜਾਂ ਨੇੜੇ ਪਾਈਆਂ ਚੀਜ਼ਾਂ ਵੱਲ ਇਸ਼ਾਰਾ ਕਰਨ ,ਉਹ ਨਿਸ਼ਚੇ -ਵਾਚਕ ਪੜਨਾਂਵ ਹੁੰਦੇ ਹਨ |
ਜਿਵੇਂ - ਉਹ , ਇਹ |
ਉਹ ਸ਼ਬਦ ਜੋ ਕਿਸੇ ਚੀਜ਼ ਦਾ ਅੰਦਾਜ਼ਾ ਤਾਂ ਦੱਸਣ ਪਰ ਪੂਰੀ ਗਿਣਤੀ ਨਾ ਦੱਸਣ ,ਉਹ ਅਨਿਸ਼ਚੇ-ਵਾਚਕ ਪੜਨਾਂਵ ਅਖਵਾਉਂਦੇ ਹਨ | ਜਿਵੇਂ- ਕੁਝ ,ਥੋੜ੍ਹਾ , ਕਈ ਆਦਿ |
ਗ਼ਰੀਬ ਤੇ ਵਿਰਲਾ ਹੀ ਤਰਸ ਕਰਦਾ ਹੈ |
ਸਭ ਲੋਕ ਚੰਗੇ ਨਹੀਂ ਹੁੰਦੇ |
No comments:
Post a Comment